vlenshk2020
- 2020年12月9日
- 已讀 2 分鐘

打破迷思! 日拋隱形眼鏡含水量越高越好? 購買前必讀

已更新：2020年12月13日

相信戴開隱形眼鏡嘅朋友都會有個迷思，就係到底隱形眼鏡嘅含水量係咪越高越好？到底點樣先適合自己？小編準備咗少少資料可以分享俾大家。

市面一般嘅隱形眼鏡含水量大概可以分為三種：

低含水量38%

中含水量42%至60%

高含水量>60%

含水量係隱形眼鏡裏嘅水分比例，含水量越高，透氧性能越好，鏡片越柔軟。一般人容易誤會隱形眼鏡嘅含水量與保濕力之間嘅關係，但其實高含水量並不等於越保濕。

大部份的隱形眼鏡只係將保濕因子添加喺鏡片嘅保存液中，而保濕因子會喺配戴1至2個小時後就逐漸流失，當水份開始蒸發，鏡片會開始吸收眼睛上面嘅水份來維持自己一定大小，就有機會造成眼睛乾燥不適。對於淚水分泌不足嘅人或者乾眼症患者，容易導致眼睛乾澀。同時高含水量嘅鏡片比較容易破損、變形、附着蛋白質等沉澱物，壽命也較短。

究竟高低含水量要點揀?

低含水量: 適合長時間配戴、平日多停留嘅辦工室等冷氣場所嘅上班族、眼睛容易乾澀嘅用家。較低嘅含水量可以延長鏡片壽命，減少沉澱物附着。

高含水量: 適合配戴時間短、淚液較多嘅用家。含水量愈高透氧度相對提升，鏡片也越柔軟；但當含水量低於原本嘅數值時有機會令鏡片變乾而影響配戴的舒適度。

大家可以因應自己眼睛狀況選擇適合嘅鏡片，同時徵詢視光師專業意見。